以下係真人真事︰
話說，幾年前有人跟公司去食自助餐，真係人地出豉油佢出雞，Buffet碟 上殺個片甲不留，遇蠔殺蠔、見雪糕kill雪糕，平時吱吱喳喳嘅佢一於靜靜雞密密食。結果，搭人順風車返屋企，一落車，即嘔！至今停車場地板上仍留住佢個 英勇勳章。此後，佢仍然無辦法克制對食物嘅熱熾渴求，於是絞盡腦汁鑽研Buffet必勝術，唔．可．以．再．食．到．嘔！

節日後求助個案激增30%
「聖誕及新年是飲食高危期，大家大吃特吃，兼進食大量煎炸油膩及高糖美點，除了導致體重暴升之外，消化不良及腸胃不適的情況亦屢見不鮮。」浚健營養及健康顧問中心資深營養師黃榮俊（John）直指。

John 舉例，有求助者體重在短短兩個月內激增10磅，而且飲食失調更令膽固醇水平超標，要用上三個月時間才回覆正常水平。「據過往經驗，聖誕新年後約見營養師的 人數普遍較平日上升三成，估計今年的情況依然。」他強調，只要適當控制飲食分量，配合清淡調味，體重可在短期內自然下降。

識講亦要識做︰控制飲食 勤做運動
求 助者中，包括30多歲的遊戲程式開發從業員Ken。他每逢節日都會體重暴升，多年累積增磅達60磅，身體質素下降，連續工作兩小時便失去體力。幾個月前他 尋求營養師協助，三個多月後減去約40磅，膽固醇亦回覆正常水平。他表示︰「以前不懂『揀飲擇食』，咩都放入口」，加上外出應酬多，體重容易上升。「但現 在我明白即使吃自助餐、燒烤或飲宴等，只善用營養師教的技巧，都可以不會吃胖。」

John分析，Ken的問題主要由於不良飲食習慣所致，面對壓力容易依賴暴飲暴食減壓，加上食無定時、宵夜兼懶做運動。他建議，控制飲食之外，持續每日做約30分鐘有氧運動，如跑步、踏單車、游水、散步和行樓梯等，都有助消耗卡路里。

自助餐Mission Possible

• 08:00-17:00
  ．切勿全日「留肚」不進食，John表示︰「飢餓只會令人更想吃，面對美食就更難自制，一發不可收拾地吃得更急更多。」
  ．正餐要吃得清淡，少肉多蔬果為妙
  ．不建議攝取高糖分食物，如甜品、乳酪、糖水、朱古力、糖果及汽水

• 17:01（上場前一小時）
  ．可吃小量餅乾和多喝清水，以降低過度食慾，避免吃過量

• 18:00（即場Go go go）
  ．逐啖逐啖嗒、細啖細啖食
  ．另類游擊「以空間換時間」︰每次拿食物都逐少逐少拎，增加出入次數。郁動下之餘，能有效延長歎美食時數

（資料由資深營養師黃榮俊提供）